Бугун юртимизда қувончли кун. 1993 йил 9 апрелда Қорақалпоғистон Республикасининг Конституцияси Қорақалпоғистон Республикаси Жўқорғи Кенгесининг 12-сессиясида қабул қилинган. 
Мазкур байрам Қорақалпоғистоннинг ҳуқуқий асослари ва демократик ислоҳотлар рамзи сифатида тантанали нишонланади. 

Қорақалпоғистон Республикасининг Конституцияси – Муқаддима, 6 бўлим, 26 боб ва 121 моддадан иборат. Қорақалпоғистон Республикасида инсон ҳуқуқлари ва қонун устуворлигини кафолатловчи Асосий ҳужжат ҳисобланади. 

“Ўзбекистон Республикасининг Конституциявий суди тўғрисида”ги Конституциявий Қонуннинг 6-моддасига мувофиқ, Конституциявий суд судьялари таркибида Қорақалпоғистон Республикасининг вакили ҳам фаолият юритади. 
Қорақалпоғистон халқини Қорақалпоғистон Республикасининг Конституцияси қабул қилинган кун билан табриклаймиз!